Линктер

ишемби, 25-февраль, 2017 Бишкек убактысы 08:39

Кыргызстанда 30 миңдей балага жөлөк пул берүү токтотулду


Бул тууралуу “Азаттыкка” социалдык өнүгүү министри Кудайберген Базарбаев билдирди. Анын айтымында, атайын комиссия мурда жакыр деп эсептелген үй-бүлөлөрдү текшерип, жашоо-шарты жакшырган кишилерди тизмеден алып салды.

Кыргызстандын мыйзамдарына ылайык, унаасы, үлүш жери жана малы бар кишилердин балдарына жөлөк пул берилбейт. Үч-төрт жыл мурун түстүү телевизору, муздаткычы жана килеми бар үй-бүлөлөрдүн балдарынын жөлөк пулу да токтотулган эле. Кийинчерээк бул чектөө алынып салынган.

Учурда өлкө аймагында жүз миңден ашуун жакыр үй-бүлө бар. 307 миң балага мамлекет жөлөк пул берет.

Шаршемби күнү айрым маалымат булактары 100 миң үй-бүлө жакырлар тизмесинен чыкканын жазган болчу. Министр бул маалыматты төгүндөдү. (SE)

Сиздин пикир

пикирлерди көрсөт

Азаттык Фейсбукта

XS
SM
MD
LG