Жалал-Абад шаарындагы үч миңден ашык жер үйдө газ өчтү. Буга шаарга берилүүчү газ басымынын абанын муздашына байланыштуу төмөндөп кеткени себеп болду. Шаардагы көп кабат үйлөргө газ берилип жатат.
Шаарды көгүлтүр отун менен Кочкор-Атадагы “Кыргызмунайгаз” ишканасы камсыз кылат.
Ал эми коңшулаш Ош шаары быйыл апрелден бери газсыз отурат. “Кыргызгаз” ишканасы орусиялык “Газпромго” сатылган соң Өзбекстан газ берүүнү токтотуп койгон. (RsK/BkA)
