Адвокаты Жыргалбек Бабаевдин “Азаттыкка” билдиргенине караганда, Алмамбет Анапияевдин өздүгүн тактоо максатында кармалып, кайра бошотулган.
Өткөн апта соңунда айрым маалымат каражаттары Анапияев Бириккен Араб Эмираттарында кармалганын жазып чыгышкан. Ички иштер министрлиги бул маалыматты тактоо үчүн аталган өлкөгө кат жөнөткөн болчу. Эгер ал кармалса, Кыргызстанга эстрадицияланары айтылган.
Анапияев Кылмыш кодексинин адам уурдоо, талап-тоноочулук жана адамды эркинен тыш, мажбурлап кармоо деген беренелери боюнча айыпталып, ага эл аралык издөө салынган. Айрым маалыматтар боюнча ал Бириккен Араб Эмираттарында жашайт.(КЕ)
