Нигериянын түндүк-чыгышында “Боко-Харам” тобунун мүчөлөрү деп болжолдонуп жаткан динчил согушкерлер 35 адамды өлтүрүп, жүздөн ашуун аялдар менен балдарды барымтага алды.
Бийлик 18-декабрь күнү тараткан маалыматка ылайык, согушкерлер жекшембиде Гумскири айылына чабуул койгон. Үйлөрдү, дүкөндөрдү жана медициналык борборду өрттөп, барымтага алган кишилерди жүк машинасына салып алып кетишкен. Азырынча окуяга эч ким жоопкерликти ала элек. Бирок полиция муну “боко-харамчылар” жасаган болушу мүмкүн экенин айтууда.
Быйыл апрель айында аталган топтун согушкерлери Чибок шаарындагы мектептен 200дөн ашуун окуучу кызды барымтага алып кеткен. (SE)
