Премьер-министр Дмитрий Медведевдин эскертишинче, Кошмо Штаттардын Москвага каршы жаңы санкцияга уруксат берген мыйзамы Орусия-АКШ мамилесин ондогон жылдарга “уулантат”. 18-декабрда президент Обама Москванын Украинадагы окуяларга кийлигишүүсүнө байланыштуу болочокто Орусияга каршы санкцияны күчөтүүгө уруксат берген мыйзамга кол койгон.
Өткөн аптада президент Порошенко Украинанын 2010-жылы кабыл алынган “бейтарап өлкө макамын” жокко чыгаруу жөнүндө мыйзам долбоорун парламентке жиберген. Бул эки кадамдын кесепети өтө жаман болот жана Украинаны Орусияга душман кылат", - деп жазды Медведев 23-декабрда Фейсбукта. Ал Украинанын “бейтарап макамын” жоюу аракети иш жүзүндө НАТОго мүчө болууга арыз бергенге тете деп түшүнөт.
