Линктер

жума, 9-декабрь, 2016 Бишкек убактысы 04:30

Энергетика министрлиги нарындыктарга компенсация төлөп берүүнү сунуштоодо


Нарын шаары. 24-декабрь.

Нарын шаары. 24-декабрь.

Энергетика жана өнөр жай министрлиги Нарын облусунун тургундарына кошумча компенсация төлөп берүү менен талаптарын аткарууну сунуштап жатат. Бул тууралуу аталган министрликтин маалымат кызматынан кабарлашты. Азырынча компенсацияны кандай негизде төлөөнүн жол-жобосу сунуштала элек.

Шаршембиде Нарындын 300гө жакын тургуну электр баасын арзандатууну талап кылып, нааразылык акциясына чыгышкан. Алар электр энергиясынын мурдагы тарифин кайтарууну талап кылышкан.

11-декабрга чейин керектөөчүлөр 1 кВт саат электр үчүн 70 тыйындан төлөп келген. Ал эми жаңы тарифке ылайык, айына 700 кВт саатка чейин электр кубатын пайдалангандар 70 тыйындан, андан ашкандарга 2 сом 5 тыйындан төлөө каралган.

Нааразылыкка чыккандар менен энергетика министри Кубанычбек Турдубаев жолукту. Бирок сүйлөшүүлөрдөн майнап чыккан жок. Митингдин катышуучулары коюлган маселелерди чечүү үчүн бийликке 15-январга чейин убакыт берип, эгер талаптар аткарылбаса, мөөнөтсүз акциялар уланарын эскертишти.(BkA)

Азаттык Фейсбукта

пикирлерди көрсөт

XS
SM
MD
LG