Линктер

жекшемби, 11-декабрь, 2016 Бишкек убактысы 10:28

АКШ президенти Ооганстандагы согуштук миссия аяктоосун кубаттады


Ооганстанда согуштук миссия аяктап жатканына байланыштуу эл аралык коопсуздук күчтөрүнүн желегин түшүрүү жөрөлгөсү Кабулда 8-декабрда өткөрүлгөн.

Ооганстанда согуштук миссия аяктап жатканына байланыштуу эл аралык коопсуздук күчтөрүнүн желегин түшүрүү жөрөлгөсү Кабулда 8-декабрда өткөрүлгөн.

Барак Обама өз билдирүүсүндө белгилегендей, Кошмо Штаттардын тарыхындагы эң узак согуш жоопкерчилик менен жыйынтыкталды.

Эл аралык коопсуздук күчтөрүнүн Улуттар уюму мандат берген согуштук операциясынын расмий аякташына арналган салтанат Кабулда кечээ өткөрүлдү.

Анын жүрүшүндө АКШ жана НАТО аскерлеринин колбашчысы, америкалык генерал Жон Кэмпбелл (John F. Campbell) ооган күчтөрүн колдоо боюнча жаңы миссиянын желегин көтөрдү.

2015-жылдын 1-январынан тарта “Чечкиндүү колдоо” деп аталган жаңы миссияда негизги көңүл ооган күчтөрүн машыктырууга жана колдоого бурулмакчы.

Ага 13,500 чет элдик аскер тартылат. Алардын басымдуу бөлүгү америкалыктар.

Ооганстанда чет элдик күчтөр эң көп болгон учур - 2010-жылы АКШ жана НАТО аскерлеринин саны 140 миңге чейин жеткен.

АКШ аскерлери Ооганстандагы уруштарга 2001-жылдан бери тартылып келди.

Алар бул өлкөнүн аймагына 2001-жылдын 11-сентябрындагы террордук чабуулдардан кийин киргизилип, натыйжада Талибан режими бийликтен кулатылган. (UE)

XS
SM
MD
LG