Бүгүн, 30-декабрда президент Алмазбек Атамбаев Жогорку Кеңештин төрагасы Асылбек Жээнбеков, премьер-министр Жоомарт Оторбаев жана Жогорку Соттун төрайымы Феруза Жамашева менен жолугушту. Бул тууралуу президенттин апаратынан кабарлады.
Жолугушууда 2014-жылдын жыйынтыктары жана өлкөнүн жогорку жетекчилигинин 2015-жылга пландары талкууланды. Анда Атамбаев быйыл өлкө айымагында туруктуулук сакталганын, алдыга карай өнүгүүгө багыт алыш үчүн бул маанилүү экенин белгиледи. Мамлекет башчысы системалуу коррупцияга каршы күрөштө бийиликтин үч бутагынын чогуу жүргүзгөн иштери натыйжалуу болоорун айткан. (TSh)
