Чыгыш Украинадагы орусиячыл жикчилдер жана Орусиянын медиасы Украинанын жикчилдер кармап турган Донецк шаарында аялдамадагы жардыруудан кеминде беш киши набыт кеткенин билдирүүдө. Интерфакстын кабарына караганда, өлгөндөрдүн саны тогузга жеткен болушу мүмкүн.
Орусиянын мамлекеттик Россия-24 каналы бул сан 13кө чыкты деп билдирди. Жарылуунун себеби анык эмес, бирок айрым кабарларга караганда, тролейбуска же автобуска ок тийген болушу мүмкүн.
