Ирандын мыйзам чыгаруу органы – Межлистин депутаттары Кыргызстанга иш сапар менен келип, эки тараптуу кызматташууларды талкуулашат. Ирандыктар 27-январдан 30-январга чейин ар кандай жолугушууларды өткөрөт жана "Ата Бейит" мемориалдык комплексине зыяратка барышат.
Жогорку Кеңештин депутаты Назарали Арипов “Азаттыкка” билдиргендей, экономикалык кызматташтыкты жандантуу маселеси сүйлөшүүлөрдүн негизин түзөт.
Кыргыз парламентинин өкүлдөрү Иранга 2013-жылы барып, мамлекеттер ортосундагы ымаланы чыңдоо боюнча сүйлөшүүлөрдү өткөрүп келген. (SE)
