Орусиянын Тышкы иштер министрлиги Украина бийликтеринин өлкө аймагына орус жарандарын чет элдик паспорт менен киргизүү чечимине өкүнүчүн билдирди. Орусия “гуманитардык себептерден” улам украин жарандары үчүн мындай чараларды киргизбейт.
Украина 1-марттан тарта орус жарандарын өлкөгө чет элдик паспорт менен киргизүүнү талап кылган. Тиешелүү токтомго премьер-министр Арсений Яценюк кечээ кол койгон. Бул орус-украин чек арасында көзөмөлдү күчөтүүгө жана өлкөнүн коопсуздугун сактоого өбөлгө болот деп айтылууда.
