Пакистандын түштүк-батышындагы Белужистан аймагындагы атыштан он беш согушкер жок кылынып, бир аскер окко учту. Бул тууралуу өлкөнүн коопсуздук күчтөрү кабарлады. Маалыматка ылайык, кармаш Хорон деген жерде 10-февралда орун алган. Атыштан үч аскер жараат алды. Бирок согушкерлердин курал-жарак сакталган кампасын ээлешти.
Иран жана Ооганстан менен чек аралаш Белужистан провинциясында ислам согушкерлери, суннит экстремисттери жана белуж жикчилери өтө активдүү. Пакистандын калкынын көбү сунниттер, шийиттер өлкөдө азчылыкты түзөт.
