Таластын Бакай-Ата районуна караштуу Өзгөрүш айылында кечээ кечинде катуу жаандан жана кардын эришинен улам Кара-Суу суусунун деңгээли көтөрүлүп, турак үйлөрдү каптады.
Өзгөчө кырдаалдар министрлигинин маалымат кызматынын билдиргенине караганда, суу каптаган турак жайлардын саны 20га жакындады, анын ичинен 5 үй-бүлө туугандарыныкына көчүрүлдү.
Ак-Дөбө айылынын эки көчөсүн да суу каптады.
Нөшөр жаанга байланыштуу Чүй облусунун Аламүдүн районунда да Төмөнкү Ала-Ача айылында бир үйдү суу каптады.
Адам өмүрүнө зыян тийген жок. (RK)
