Линктер

жума, 9-декабрь, 2016 Бишкек убактысы 04:14

Өзбекстан: студенттер Валентин күнүн белгилебөөгө милдеттендирилүүдө


Өзбекстанда ЖОЖ жетекчиликтери студенттерди 14-февраль Ыйык Валентин күнүн белгилебейм деп кол койдуруп жатышат.

“Азаттыктын” өзбек кызматы кабарлагандай, Ташкент университетинин журналистика факультетинин студенттерин “Валентин күнүн белгилеп, окуу жайдын кадыр-баркына көлөкө түшүрбөйм” деген баракчага кол койдурушкан.

Анын ордуна өлкөдө 14-февралдагы Поэзия күнүн белгилөөнү милдеттендирүүдө. Бул күн Улуу Могол империясын түптөөчүсү жана акын катары белгилүү Бабурдун туулган күнү катары белгиленет.

Ошондой эле шаар бийликтери 14-февралда Ташкенттеги сейил бактарда полиция кызматкерлеринин санын көбөйтүү чечимин чыгарышкан.

Бийликтер Ыйык Валентин күнү өзбек элинин салт-санаасына жана ислам динине каршы келет деп эсептешет. Сүйүү күнү Борбор Азияда жаштардын арасында акыркы жылдары кеңири майрамдалып келет, ошону менен бирге айрым топтордун бул майрамга каршы чыгышы күчөдү.

Азаттык Фейсбукта

пикирлерди көрсөт

XS
SM
MD
LG