Эгер жумушсуз калган орусиялык жарандардын, москвалыктардын санынын көбөйгөнүн байкасак, анда патент үчүн төлөмдү жогорулатуу аркылуу мигранттардын агымын кыскартабыз. Бул тууралуу Москва шаарынын мэри Сергей Собянин “Россия 1” телеканалына маегинде билдирди.
“Экономикалык кризис шарттарында чет элдик эмгек күчү курулуш тармагында гана сакталышы керек”, - деди Собянин.
2015-жылдын январынан тарта Москвада иштеген мигранттар үчүн эмгек патентинин акысы айына 4 миң рубль турат. Жаңы үлгүдөгү патентти Сахарово айылында ачылган Миграциялык борбордон алууга болот. (LaT)
