Копенгагенде эки кишинин өмүрүн алган кол салууларга нааразы болгон 30 миң киши 16-февраль күнү демонстрацияга чыгып, кылмышка жооптууларды жазага тартууну талап кылышты.
Ишемби жана жекшемби күндөрү калаанын эки жеринде куралдуу кол салуу болуп, эки киши мерт кеткен. Беш полиция кызматкери жараат алган. Кылмышка шектүү эки адам колго түшкөн. Мурдараак алардын дагы бир табакташы деп айтылган Омар Абдил Хамид ал-Хусейн аттуу жаранды тартип сакчылары кармоо учурунда атып өлтүргөн.
Азырынча кол салууларга жоопкерчиликти эч ким өзүнө ала элек.
