17-февраль күнү кечки саат алтылар чамасында Ош шаардык ИИБнын кызматкерлери Ноокат райондук сотунун төрагасынын жардамчысы арыздануучудан 39 миң сом пара алып жаткан учурда кармалды. Бул тууралуу “Азаттыкка” Ош ШИИБнын басма сөз кызматы кабарлады. Алдын ала маалыматтарга ылайык, сот арыздануучудан алгач 120 миң сом сураган. Учурда кармалган жардамчынын баш коргоо чарасы каралып жатат. (SE)
