Бишкек мэриясына караштуу “Тазалык” ишканасы жазгы тазалоо иштерин 23-февралдан тарта баштады. Буга күн жылып, тазалоо иштерине муктаждык байкалганы себеп болду. Бул тууралуу аталган мекемеден кабарлашты. Бүгүн шаар көчөлөрүн жууп-тазалаганга 8 атайын техника чыкты.
Жыл сайын жазгы тазалоо иштери 1-мартта башталчу.
Акыркы убактарда шаар көчөлөрү шыпырылбай, таштанды убагында тазаланбай жатышы кооомчулукта бир топ нааразылык жаратып келет.
“Тазалык” ишканасында 1600гө жакын жумушчу жана 150дөй атайын техника кызмат кылат. (SE)
