Линктер

бейшемби, 8-декабрь, 2016 Бишкек убактысы 20:27

Адвокат Келдибековдун ишин мөөнөтү өткөндүгүнө байланыштуу токтотууну соттон өтүндү


Коррупцияга шектелип жаткан Акматбек Келдибековдун жактоочусу Татьяна Чильникина мөөнөтү өтүп кеткендигине байланыштуу соттук териштирүүнү токтотуу боюнча сотко өтүнүч келтирди. Ал мындай өтүнүчтү бүгүн, 3-мартта Биринчи май райондук сотунда уланган сот отурумунда айтты. Сот Абдразак Боронбаев жактоочунун өтүнүчү менен таанышуу үчүн соттук териштирүүнү 10-мартка жылдырды.

Бишкектин Биринчи май райондук соту 20-февралда Келдибековду үй камагына калтыруу боюнча чечим чыгарган. Ага чейин Башкы прокуратура ага каршы козголгон кылмыш иштин оор экенин жана айрым күбөлөргө басым көрсөтүлүшү мүмкүн экенин негиз кылып, аны Бишкектеги №1 тергөө абагына камакка алууну суранган.

“Ата-Журт” фракциясынын депутаты Келдибеков коррупция жана кызмат абалынан кыянаттык менен пайдаланган деп айыпталып, 2013-жылдын күзүндө камалган. 2014-жылдын августунда соттун уруксаты менен чет элге дарыланууга кеткен. Кыргызстанга 10-февраль күнү кайра келген. (UEz)

Азаттык Фейсбукта

пикирлерди көрсөт

XS
SM
MD
LG