Линктер

жекшемби, 11-декабрь, 2016 Бишкек убактысы 16:39

Бишкекте мода индустриясына арналган эл аралык жарманке башталат


КР президенти Алмазбек Атамбаев Энергетика жана өнөр жай министри Кубанычбек Турдубаев менен жеңил өнөр жай тармагынын абалы тууралуу сүйлөштү. 18-февраль, 2015-жыл

КР президенти Алмазбек Атамбаев Энергетика жана өнөр жай министри Кубанычбек Турдубаев менен жеңил өнөр жай тармагынын абалы тууралуу сүйлөштү. 18-февраль, 2015-жыл

Бүгүн Бишкекте “Мода индустриясы: жабдуулар жана буюмдар” деп аталган эл аралык көргөзмө-жарманке ишин баштайт

Көргөзмө-жарманке Кыргызстандагы Жеңил өнөр жайчылар ассоциациясы тарабынан уюштурулууда. Иш-чаранын максаты: жеңил өнөр жай тармагында жана мода жаатында иш алып барган ишканаларды таанытуу, жеңил өнөр жайына керектүү жабдууларды, кездемелерди керектөөчүлөргө дүңүнөн сатып алууга жана сатуучуларды жергиликтүү чеберлердин колунан жаралган сапаттуу кийим-кечелерди арзан алуусуна мүмкүнчүлүк түзүү болуп эсептелет.

Көргөзмө-жарманкеге Кыргызстандан тышкары алыс-жакынкы чет өлкөлөрдүн да жеңил өнөр жайчылары тигүү тармагына тиешелүү жабдуулары, кездемелери жана башка буюмдары менен катышат. Жалпысынан иш-чарага катышуучу ишканалардын саны 200гө чукул.

Көргөзмө-жармаңкенин коноктору ал жерден кийим-кече, бут кийим, кол өнөрчүлүк буюмдарын жана жергиликтүү өндүрүшчүлөр өндүргөн азык-түлүктөрдү да сатып ала алышат.

Көргөзмө-жарманке16-мартка чейин уланат.

Кыргызстандагы жеңил өнөр жай тармагы өлкөнүн экономикасын кыймылдаткан тармактардын бири болуп эсептелет. Рублдин арзандашы тигүүчүлөрдүн абалын оорлоткону айтылууда.(ZKo)

Азаттык Фейсбукта

пикирлерди көрсөт

XS
SM
MD
LG