Москвадагы кыргыз элчилигинин экинчи катчысы Айымкан Кулукеева Брянск - Новозыбков жолундагы кырсыктан каза тапкандардын жана жапа чеккендердин арасында кыргызстандыктар болгон-болбогону териштирилип жатканын "Азаттыкка" билдирди. 16 мартка караган түнү аталган жолдо кичи автобус менен жүк ташуучу унаа кагылышып, 15 адам каза тапкан. Кичи автобуста чек арадагы өткөрүү бекетинен кайткан мигранттар болгону, арасында Өзбекстандын да жарандары болгону кабарланууда.
