Бразилиянын 50 чакты шаарында кечээ жүз миңдеген киши президент Дилма Руссефке импичмент жарыялоону талап кылып, жүрүшкө чыгышты. Демонстранттар президенттин Петробас мунай компаниясындагы ири коррупциялык жаңжалга тиешеси бар деп айыпташууда. Компаниянын бир катар жетекчилери 800 миллион долларлык пара боюнча иликтөө ишинин алкагында камакка алынган, парламенттин жана мурдагы, азыркы өкмөттүн бир нече мүчөсү суракка тартылган. Бирок Петробастын директорлор кеңешинин мурдагы төрайымы Руссефф алардын катарына киргизилген эмес.
