Бул тууралуу вице-премьер-министр Дамира Ниязалиева бүгүн жалпыга маалымдоо каражаттары менен кызматташтыкты жандантуу максатында өкмөт үйүндө өткөн жолугушууда билдирди. Ал аткаминерлер журналисттердин бардык суроолоруна жооп берүүгө даяр болушу керектигин, маалыматты биринчи булактан алууга мүмкүнчүлүк түзүү зарылдыгын кошумчалады.
Вице-премьер-министр өкмөт менен маалымат каражаттарынын ортосунда түшүнбөстүктөрдү четтетүү жана өз ара иштешүү үчүн аянтча түзүлөрүн да белгиледи.
Постсоветтик өлкөлөрдүн ичинен Кыргызстанда сөз эркиндиги, маалымат алуу жагынан абал дурус деп бааланат. (КЕ)
