Бишкекте Кытайдын Шинжаңдагы улуттар саясаты талкууланат. Антропология клубу билдиргендей, 8-апрелде Борбор Азиядагы Америкалык университетте тарыхта Чыгыш Түркистан деп таанылган Шинжаң аймагындагы соңку бир нече жылдардан берки олуттуу тоз-тополоңдорго байланыштуу, Кытайдын көп улуттар жашаган аймактагы улуттук азчылыктарга карата саясаты сөзгө алынат.
Кытайдын эң ири административдик аймагы болгон Шинжаң боюнча билдирүүнү АУКтун мугалими, Борбор Азиядагы Адабият жана көркөм өнөр тарыхы боюнча сабак берген профессор Валерий Хардин жасайт.(jch)
