Жогорку Кеңештин КСДП фракциясынын лидери Чыныбай Турсунбеков баштаган эл өкүлдөрү “Аксы окуясында курман болгондордун үй-бүлө мүчөлөрүн жана жабыр тарткандарды социалдык коргоо жөнүндөгү” жаңы жарлык тууралуу маалымат беришүүдө.
Аталган жарлыкка президент Алмазбек Атамбаев кечээ, 3-апрелде кол койгон. Ага ылайык, Аксы окуяларында жабыр тарткандардын кошумча социалдык колдоо деңгээлин жана социалдык кепилдиктерди Апрель окуяларында курман болгондордун үй-бүлө мүчөлөрү жана жабыр тарткандардын деңгээлине теңештирүүнү караган мыйзам долбоорун иштеп чыгуу милдети тапшырылган.
Өткөн айда 13 жыл мурунку кандуу окуянын курмандыктарын эскерүү маалында аксылыктар өздөрүнүн макамын апрелчилерге теңөөнү, ошондой жеңилдиктерди, орден, медалдарды берүүнү талап кылышкан. (КЕ/RSK)
