Федералдык миграциялык кызматтын Москва шаары боюнча башкармалыгынын расмий билдирүүсү боюнча, Орусиядагы чет элдик жарандар 2014-жылы берилген патенттин мөөнөтүн узарта алышат. Ал үчүн өткөн жылдагы ар бир ай үчүн 4 миң рубль төлөшү керек.
1-январдан тарта Орусияда чет элдик эмгек мигранттарына квота системасы жоюлуп, патенттик негизде гана жумушка алуу боюнча мыйзам күчүнө кирген. Ага ылайык, өткөн жылы берилген патенттер жараксыз деп табылып, чет элдик жарандарга жаны үлгүдөгү патент алууга 30 күндүк мөөнөт берилген. (LzT)
