Ош шаарында 7-апрелдеги жаандан улам сел каптаган аймактарды тазалоо уланууда. Жамгыр кечке жуук жааган. Өзгөчө кырдаалдар министрлигинин басма сөз кызматы билдиргендей, катуу жаандын натыйжасында шаардагы №1 эмкана менен кабат үйлөрдүн 20дан ашуунунун жертөлөсүнө, биринчи кабаттын кире беришине суу толгон.
Ак-Буура дарыясында суу бир көпүрөнү бузуп кеткен. Ошондой эле бир катар жеке турак-жайларды суу каптаган.
Жалпысынан куткаруу кызматына 44 кайрылуу түшкөн. Адам өмүрүнө зыян тийген жок.
Тазалоо иштерин Ош шаарынын Жарандык коргонуу комиссиясынын 4 топко бөлүнгөн курамы жүргүзүп жатат. (SE)
