АКШ вице-президенти Жо Байден Иракта өзүн “Ислам мамлекети” деп атап алган экстремисттик топтун согушкерлеринин ишмердигине сокку урулганын билдирди. Байден бул тууралуу баяндамасын Ирак өкмөтү Тикрит шаарында “Ислам мамлекетин” жеңгени тууралуу кабар тараткан соң, 9-апрелде Вашингтондо жарыялады.
Ирак өкмөтү экстремисттер өткөн жылы басып алган Тикрит шаарын АКШ аба күчтөрүнүн жардамы менен согушкерлерден тазалаганын билдирген.
Жо Байден “Ислам мамлекетинин" жеңилбей турганы тууралуу маалымат орунсуз экени далилденди” деп белгиледи.
