Линктер

logo-print
ишемби, 03-декабрь, 2016 Бишкек убактысы 15:45

Бишкекте 13 жаштагы кыз өз жанын кыйды


Бишкетеги хореографиялык мектеп-интернаттын 13 жаштагы окуучусу өз жанын кыйды. Бул маалыматты аталган интернаттын директору Эрик Латыпов “Азаттыкка” тастыктады. Анын айтымында, өз жанын кыйган кыз мектепте жакшы окуучу жана ачык-айрым болчу. Жашоо-турмушу да жакшы экени айтылды.

“Эмне болгонун билбейбиз. Мектептеги алдыңкы окуучулардын бири эле. Эгер кандайдыр бир көйгөйү болсо биз буга чейин коңгуроо кагып чыгат элек. Тескерисинче көптөрү ага теңелгиси келчү”, - дейт мектеп жетекчиси.

Маалыматтарга караганда, окуучу ушул дем алыш күнү өз үйүндө асынып алган. Учурда анын себептери териштирилүүдө.

2014-жылы 106 бала өз өмүрүнө кол салган. Быйыл эки айдын ичинде эле өз өмүрүн кыйган өспүрүмдөрдүн саны 21ге жеткен. Адистер балдар өлүмүнө ата-энелер менен баланын ортосунда диалогдун азайып кеткени негизги себеп дешет. Ошондой эле социалдык теңсиздик, жоопсуз сүйүү ушундай кайгылуу окуялар менен бүтөрүн айтышат психологдор. (КЕ)

Азаттык Фейсбукта

пикирлерди көрсөт

XS
SM
MD
LG