АКШнын мамлекеттик катчысынын жардамчы орун басары Даниэл Розенблюм баштаган расмий делегация ушул апта ичи аймактагы беш өлкөнү кыдырат. Бул тууралуу бүгүн Мамлекеттик департамент кабарлады.
Казакстан, Кыргызстан, Өзбекстан, Тажикстан жана Түркмөнстан республикаларын кыдыруу 24-апрелде аяктайт.
Америкалык делегация жана Борбор Азиянын расмий өкүлдөрү ортосунда эки тараптуу кызматташтык менен катар Ооганстандагы соңку кырдаал, НАТОнун бул өлкөдөгү "Чечкиндүү колдоо" деп аталган жаңы аскерий операциясы боюнча пикир алмашуу болот. Жалпы аймактагы коопсуздук маселелери талкууланат. (RK)
