Линктер

бейшемби, 8-декабрь, 2016 Бишкек убактысы 08:35

Жогорку Кеңеш ПАСЕден Бакиевдерди экстрадициялоого көмөктөшүүнү суранды


Бул тууралуу ушул күндөрү Страсбургда өтүп жаткан Европа Кеңешинин Парламенттик Ассамблеясынын жыйынында Жогорку Кеңештин Эл аралык иштер боюнча комитетинин төрагасы Каныбек Иманалиев айтып чыкты. Ал 2010-жылкы апрел окуялары тууралуу доклад окуп, андагы күнөөлүүлөрдү жазалоого көмөктөшүүнү өтүндү.

- Бакиевдер жана алардын коштоочулары бир катар Европа мамлекеттеринде башпаанек тапкан. Курманбек Бакиев үй-бүлөсү менен Беларуста жашайт, анын айрым жакындары Улуу Британияда, - деп Иманалиев Бакиевдерди экстрадициялоодо Кыргызстанды колдоого үндөдү.

Ошондой эле Иманалиев ПАСЕни Кыргызстандагы демократиялык өзгөрүүлөрдү колдоого чакырды.

Европа Кеңешинин Парламенттер ассамблеясы (Parliamentary Assembly of the Council of Europe - PACE) Европа Кеңешине кирген 18 өлкөнүн парламент аралык кеңешме органы. 1949-жылдын 5-майында түзүлгөн. Кыргызстан бул уюмга демократия боюнча өнөктөш макамын былтыр жазында алган. (BkA)

Азаттык Фейсбукта

пикирлерди көрсөт

XS
SM
MD
LG