Линктер

бейшемби, 8-декабрь, 2016 Бишкек убактысы 00:40

Оторбаевдин арызы президентке келип түшө элек


Премьер-министр Жоомарт Оторбаевдин отставкага кетүү боюнча арызы президентке келип түшө элек. Бул тууралуу мамлекет башчынын маалымат катчысы Жанар Акаев билдирди. Мыйзам боюнча премьер-министр кызматтан кетүү тууралуу арызын президентке тапшырат. Атамбаев аны кабыл алган соң өкмөт толук курамы отставка кетет.

Андан соң коалициялык көпчүлүк жаңы өкмөттүн курамын түзүүгө киришиши керек. Социал-демократтар фракциясынан Жогорку Кеңештин депутаты Абдыманап Кутушевдин айтымында, бул жараян он беш күндүн ичинде бүткөрүлүп, жаңы өкмөт парламентке алып чыгарылыш керек.

Бүгүн Жогорку Кеңеште премьер-министр Оторбаев отставкага кетерин жарыялаган. Оторбаев былтыр апрелде “Мамлекеттүүлүктү бекемдөө” парламенттик коалициясы тарабынан көрсөтүлүп, дайындалган. Бул коалиция КСДП, “Ата Мекен” жана “Ар-намыс” фракциясы кирет.(BkA)

Азаттык Фейсбукта

XS
SM
MD
LG