Бүгүн эл аралык “Руханият” сыйлыгы кыргыз Эл жазуучу Бексултан Жакиевге тапшырылды. Сыйлыкты тапшыруу аземи бүгүн Кыргыз Улуттук филармониясында өттү.
Сыйлык жыл сайын эки жолу рухий дөөлөттөрдү жаратуу жана маданиятка сиңирген эмгек үчүн тапшырылат.
Аны эл аралык "Руханият" ассоциациясы уюштуруп, 1992-жылдан бери маданиятка эмгеги сиңген адамдарга ыйгарылып келет. Буга чейин бул сыйлык акындар Сооронбай Жусуев, Мухтар Шаханов, музыка чеберлери Калый Молдобасанов, Муратбек Бегалиев, Керим Турапов жана башкаларга тапшырылган. (BkA)
