Линктер

шейшемби, 6-декабрь, 2016 Бишкек убактысы 20:18

Кыргызстандын ЕАЭБга расмий кирүү мөөнөтү жылышы мүмкүн


Кыргызстандын экономика министри Темир Сариев.

Кыргызстандын экономика министри Темир Сариев.

ЕАЭБга кирген өлкөлөр менен принципиалдуу эки келишим боюнча бир пикир жоктугуна байланыштуу Кыргызстандын жаңы биримдикке расмий кирүү мөөнөтү жылышы мүмкүн. Бул тууралуу "Азаттыкка" экономика министри Темир Сариев билдирди.

- Биринчиси - кыргыз-кытай техникалык-экономикалык келишими. Ал боюнча биз кытайлардан жолдорду, ГЭСтерди салууга, жогорку чыңалуудагы зымдарды тартууга акча алмакпыз. Биз ушул жагынан жеңилдик болсо дейбиз. Экинчиси - фито-санитардык эквиваленттик система. Анткени биз аны адегенде өзүбүз таанышыбыз керек. Ошол себептен протоколдорго кол коюу кечигип жатат. Протокол даяр болбосо биздин өнөктөштөрүбүз - Орусия, Беларус, Армения жана Казакстан аны ратификациялоого жетишпей калышы мүмкүн.

Министр Сариев учурда бул боюнча сүйлөшүүлөр жүрүп, 8-майга чейин бардык протоколдорго кол коюуга жетишип калууну көздөп жатышканын билдирди.

Өткөн жылдын 23-декабрында Москвада Кыргызстандын Бажы биримдиги жана Евразия экономикалык биримдигине кошулуусу боюнча келишимге кол коюлган. Кыргызстандын бажы төлөмдөрүнөн алчу үлүшү 1,9% деп аныкталган.

Анда келишимдин күчүнө кирүү мөөнөтү 2015-жылдын 1-майы деп жазылган. Бул убакытка чейин бардык келишимдер ратификацияланса, чек аралар 9-майга карата ачылмак. (EzK)

Азаттык Фейсбукта

пикирлерди көрсөт

XS
SM
MD
LG