Линктер

ишемби, 10-декабрь, 2016 Бишкек убактысы 11:11

Хоккей: "Азия чакырыгы" кубогунда Кыргызстан коло байгеге татыды


Хоккей боюнча Кыргызстандын курамасы.

Хоккей боюнча Кыргызстандын курамасы.

Хоккей боюнча Кыргызстандын курамасы “Азия чакырыгы” кубогунун мелдештеринде коло байгенин ээси болгонун Кыргызстандын хоккей федерациясынын вице-президенти Мурат Жакыпов "Азаттыкка" билдирди. Анын айтымында, мелдеш 18-апрелден 24-апрелге чейин Кувейтте өткөн.

Кубок үчүн Малайзия, Кувейт, Кыргызстан, Сингапур жана Индиянын курамалары ойношкон. Оюндар айлампа тартибинде өтүп, Кыргызстандын хоккейчилери 5 оюнда үч жолу жеңишке жетип, эки жолу утулуп 3-орунду ээлешти. Биринчи турда Малайзия курамасын 6:5 эсебинде утуп, 2-турда Сингапур курамасына 4:2 эсебинде жеңилишкен. Андан кийин Оман курамасын 7:3, кийин 4-турда Индия курамасын ири айырма менен 9:1 эсебинде утуп алышты. Тилекке каршы чечүүчү беттеште Кувейт курамасына 9:3 эсебинде утулууга дуушар болушкан.

5 турдун жыйынтыгында бир да жолу утулбаган Кувейт курамасынын оюнчулары алтын медаль тагынышты. Төрт жеңиш, бир жеңилүү менен Сингапур хоккейчилери күмүш байгеге ээ болушту.

“Азия чакырыгы” кубогунун 2014-жылдагы оюндары Бишкекте өтүп, финалда Кыргызстан курамасы Макаого аз гана айырма менен 5:4 эсебинде утулуп калган эле. Бул кубоктун жеңүүчүсү Азия чөлкөмүндөгү курамалар арасында топ дивизиондо ойноого мүмкүнчүлүк алат.(ECh)

Азаттык Фейсбукта

XS
SM
MD
LG