Шаардагы Сатыбалды Давлетов атындагы №14 гимназия мектептин жанындагы эски саунаны 6-майда кечинде укук коргоо органдары текшерүүгө алды. Бул тууралуу шаардык ички иштер бөлүмүнүн башчысынын орун басары Сапаралы Арипов "Азаттыкка" билдирди. Анын айтымында, прокуратура жана шаардык мэрия кызматкерлери саунага кирип, сойкулук кызмат көрсөткөн 4 кызды кармаган. Документтери жоктугуна байланыштуу алардын тек-жайын тактоо жүрүп жатат. Саунанын эшиктери мөөрлөнүп жабылды. Текшерүү уланууда.
Өткөн жумада "Азаттык" бул багытта макала даярдаган болчу. (RsK)
