Окуя бүгүн өлкө чыгышындагы түрмөлөрдүн биринде болгон. Ирактын Ички иштер министрлигинин маалыматы боюнча, абактагылар тополоң чыгарган. Түрмө кызматкерлери тынчтануу үчүн барганда аларга кол салып, куралдарын тартып алып качып чыккан. Тополоң учурунда алты полиция кызматкери жана отуз соттолуучу мерт кеткени кабарланды.
Качып кеткендердин арасында терроризм сыяктуу оор кылмыштарга шектелгендер да болгон.
