Ысык-Көлдүн Тоң районундагы Орто-Токой суу сактагычында суунун жетишсиздигинен улам акыркы жылдары сугат жерлерге суу жетпей калууда. Бул тууралуу Орто-Токой айыл аймагынын башчысы Байышбек Кутманов “Азаттыкка” билдирди. Анын айтымында, суу сактагычка жылына 425 миллион куб метрге жакын суу топтолот. Былтыр кургакчылык өкүм сүргөндүктөн Чүй облусуна сугатка толук көлөмдө суу берүүгө мүмкүн болгон эмес. Жыл сайын суу сактагычта 15 млн. кубтан аз суу калууда.
Орто-Токой суу сактагычынын суусу Чүй облусу аркылуу Казакстандын түштүк облустарынын айдоо жерлерине чейин кетет. (ASa)
