Кыргызстандын медиа-базарында туруктуу чыгып келаткан “Жетиген” журналы быйыл төрт жылдык маарекесин Жалал-Абад шаарында элге акысыз концерт тартуулоо менен белгилейт. Маданий иш-чара 16-май күнү өтөт. Бул тууралуу басылманын башкы редактору Абдиламит Жумашев “Азаттыкка” билдирди. Журнал жыл сайын ушундай маарекени Кыргызстандын түрдүү аймактарында өткөрөт.
Ай сайын сапаттуу кагаз менен чыгып келаткан бул журнал кыргыз жана орус тилдеринде 170 бет менен жарык көрөт. Негизинен коомдук турмушту чагылдырат. (SE)
