Орусиянын Иркутск шаарында жергиликтүү үч тургун 21 жаштагы кыргыз жаранынын өлүмүнө күнөөлүү деп табылды. Алар адам өлтүрүү жана улут аралык кастык козутуу боюнча айыпталып, 15-16 жылга соттолушту. Абак мөөнөтүн күчөтүлгөн тартиптеги колонияда өтөшөт. Бул тууралуу жергиликтүү маалымат булактары кабарлады.
Иликтөө тыянагына ылайык, 2014-жылдын январь айында жергиликтүү тургундар көчөдө бараткан кыргызстандык жарандын жолун тороп, сабашкан. Бир канча жолу бычак сайышкан. Натыйжада кыргыз жараны көз жумган.
Кылмышкерлер 23-25 жаштагы жигиттер.