Орусиялык миллионер Александр Перепеличный Британияда эки жыл мурда уу чөптөн өлгөн болушу мүмкүндүгүн жаңы изилдөө көрсөттү. 44 жаштагы ишкер Лондондо 2012-жылы ноябрда эртең менен чуркап бараткан жеринен эс-учун жоготуп, ошол бойдон каза тапкан. 18-майдагы тергөө угуусунда анын ашказанынан гельземиум деп аталган өтө уулуу чөптөн гана алына турган химиялык заттын калдыгы табылганы маалымдалды. Перепеличный орусиялык бийлик өкүлдөрү менен мафияга байланышкан 240 миллион доллардык кылмыш ишиндеги тергөөгө көмөк көрсөтүп жаткан эле.
