Президент Алмазбек Атамбаев “Кыргыз Республикасынын Мамлекеттик чек арасы жөнүндө” мыйзамга кол койду. Ага ылайык, мамлекеттик чек арадагы, чек арага канаатташ аймактардагы жана мамлекеттик чек ара аркылуу өткөрүү пункттардагы режимдерди аныктоочу негизги жана жалпы ченемдер өркүндөтүлдү. Кеңейтилген түшүнүк аппараты киргизилип, мамлекеттик органдардын ыйгарым укуктары так чектелди. Бул тууралуу Президенттик аппаратынын маалыматтык саясат бөлүмү кабарлады.
Аталган мыйзамды Жогорку Кеңеш ушул жылдын 2-апрелинде кабыл алган. (КЕ)
