Польшада президенттик шайлоонун 2-турунун алдында “Жымжырттык күнү” жарыяланды. 24-майдагы шайлоого азыркы президент Бронислав Коморовский жана “Укук жана акыйкаттык” партиясынан Анджей Дуда ат салышат.
Учурда Польшада үгүт материалдарына толугу менен тыюу салынды. Шайлоонун алгачкы турунда азыркы президент Коморовский жеңип чыгары болжолдонгон, бирок кырдаал эл күтпөгөндөй өзгөрүп кеткен. Шайлоочулардын 20 пайызы күтүүсүз жерден добуштарын рок-музыкант Павел Кукизага беришкен.
Соңку социологиялык иликтөөлөрдүн жыйынтыгы жеңиш Анджи Дуда тарапта болорун көрсөтүүдө. Ал 1-турда да азыркы президенттен жарым пайызга жакын көп добуш алган.
