Линктер

шаршемби, 7-декабрь, 2016 Бишкек убактысы 14:42

КДКнын 25 жылдыгына арналган жыйын өтүүдө


Бишкекте “Кыргызстан демократиялык кыймылынын” 25 жылдыгына арналган жыйын башталды. Коомдук жыйын Бишкектеги Кыргыз драма театрында өтүүдө. Ага демократиялык кыймылдын негиздөөчүлөрү, мүчөлөрү жана интеллигенция өкүлдөрү катышып жатат.

Мындан туура жыйырма жыл мурда, 25-26-майда Кыргыз ССРинде “Кыргызстан демократиялык кыймылынын” биринчи уюштуруу жыйыны өткөн. Аталган кыймыл СССР таркап кетердин алдында Кыргызстанда коммунисттик режимге ачык атаандашкан саясий күч болуп чыгып, өлкөдөгү демократиялык жараянды тездетүүдө орчундуу роль ойногон.

КДК ошол жылдары өлкөнүн коомдук-саясий турмушунда коммунисттик бийликке ачык атаандашкан реалдуу күчкө айланып, 1990-жылы Масалиев башында турган коммунисттик бийликтин кулашына салым кошкон.

Кыргызстандын легендарлуу парламентинде 114 деп аталган радикал депутаттар тобу КДК менен тыгыз байланышта болуп, идеялык-программалык жактан үндөш, тилектеш болушкан. Акыры демократтык күчтөрдүн кысымы астында 1990-жылы 27-октябрда Кыргыз ССРнин Жогорку Кеңешинин сессиясында А. Масалиев президенттик жарышта жыдып, Аскар Акаев президент болуп шайланган. (BkA/KE)

Азаттык Фейсбукта

XS
SM
MD
LG