Бүгүн Мухтарбек Өмүракунов атындагы коомдук фонд жылдын мыкты каармандарына жана энелерге сыйлык тапшырды.
Бул жолу жыл мыктылыгы өлкө аймагында карапайым эл арасында өз эмгеги менен өзгөчөлөнгөн дарыгерге, мугалимге, чеберге, дыйканга чарбакерге - жалпы жонунан он беш номинация боюнча ыйгарылды.
Ал эми "Кутман эне" сыйлыгына да айылда жашаган он эне татыктуу болгон. Анын ичинен "Данакер эне" номинациясына Мар Байжиев түзгөн "Манас" эпосун өзбек тилине которгон жазуучу, котормочу Малика Камилова менен Баткен облусунун Баткен районунун Көк-Таш айылында чек арага чеп болуп жашап жаткан Баатыр эне Шаар Мажитовага берилди. (ZA)
