Ирактын баш калаасы Багдадда чет элдиктер көп токтоочу эки мейманканада жардыруу болуп, он киши набыт кетти. Дагы көп кишилер жаракат алганы айтылууда.
Жергиликтүү маалымат каражаттары биринчи жардыруу “Вавилон” мейманканасынын автоунаа токтотуучу жеринде болгонун, экинчиси “Иштар” конок үйүндө болгонун жазып чыгышты. Азырынча жардырууга тиешеси бардыгын эч ким билдире элек.
Шейшембиде Ирак армиясы Анбар провинциясында “Ислам мамлекети” тобунун согушчандарына каршы чоң операция баштаган.
