Жалал-Абад облусунун Ноокен районунун тургуну, аңчылыкка кеткен Улан Мамишовдун сөөгү кечээ түш оой табылып, туугандарына берилди. Бул тууралуу Өзгөчө кырдаалдар министрлигинен кабарлашты.
Маалыматка караганда, аңчылык учурунда Мамишов 50 метрлик бийиктиктен кулап кеткен.
Ал 29-майда райондогу Кара-Таш жайлоосуна аңчылыкка кеткен бойдон дайынсыз кеткен. Аны менен аңчылыкка чыккан Кубат Эгембердиев ошол эле күнү кайтып келген. (МТо)
