Чолпон-Ата шаарынын ат майданында быйылкы жылдагы ат оюндарынын жаңы сезону расмий ачылды. Анын алкагында бүгүн кунан чабыш, чоң жорго жана аламан байге боюнча ат чабыш өтөт. Байге фонду 1 млн. 300 миң сомду түзөт.
№54 асыл тукум жылкы заводунун жетекчиси Болотбек Тыналиев белгилегендей, жыл сайын туристтик сезондун ачылышы менен ат оюндарынын дагы сезону башталып, жыл соңунда анын жыйынтыктары, ат оюндарын мындан ары өнүктүрүү маселелери талкууланат.
Иш-чараны Көк бөрү федерациясы уюштурду. (AsA)
