Кыргызстандын Украинадагы элчилиги 2014-жылы жасаган жумуштары, ал жактагы кыргыз жарандарына көрсөтүлгөн көмөктөр тууралуу Жогорку Кеңештин депутаттарына баяндама жасайт. Элчи Улукбек Чыналиевдин отчету бүгүн Эл аралык иштер боюнча комитетте каралат.
Украинада өкмөт күчтөрү менен орусиячыл жикчилдер ортосунда бир топ убакыттан бери уланып жаткан согушка кыргызстандыктар да аралашып жүргөнү буга чейин көз карандысыз булактар тарабынан айтылган. Алардын бири “Азаттык” радиосуна маек да берген.
Кыргызстандын Украинадагы элчилиги 1992-жылдын 19-сентябрында ачылган. (SE)
