Бул тууралуу Улуттук банктын төрагасы Толкунбек Абдыгулов бүгүн 19-июнда Жогорку Кеңештин жыйынында билдирди.
Абдыгулов учурда серепчилер ислам принциптери менен каржылоо системасын Кыргызстанга киргизүүнү карап жатышканын, юристтер изилдеп бүтүп калганын, ошондой эле жакында парламентке жөнөткөн мыйзам долбоорунда бул маселе дагы бар экенин айтты.
Учурда Кыргызстанда “Эко исламик банкы” жана төрт микро каржы компаниялары иштейт. Ислам банктарынын негизги принциби - үстөк акча албоо. Шариятта уруксат делген жана дүйнөдөгү ислам банктары үчүн бекитилген киреше табуу жолдору менен иштешет. (TSh)
